Taliyaha Booliska oo xilka ka qaaday Taliyihii Qaybta Booliska Gobolka Banaadir

Taliyaha Ciidanka Booliska Soomaaliyeed, General Cabdi Xasan Maxamed (Xijaar) ayaa xilka ka qaaday Taliyihii Booliska Gobolka Banaadir, General Saadaq Cumar Xasan, wax yar uun ka dib markii uu sheegay in la joojiyay kulankii Xildhibaanada Golaha Shacabka.

Warbaahinta Dowladda ayaa baahisay in Taliyaha Booliska uu xil ka qaadis ku sameeyay Taliyihii Qaybta Booliska Gobolka Banaadir.

Taliyaha cusub ee Qaybta Booliska Gobolka Banaadir ayaa loo magacaabay G/dhexe Farxaan Maxamed Aadan (Farxaan Qaroole), oo loo dalacsiiyay darajada Gaashaanle Sare.

Farxaan Qaroole ayaa ahaa Taliyihii Booliska sida gaarka ah u tababaran ee Haramcad.

Nagala soo xiriir dhacdo@gmail.com