Ra’iisal Wasaaraha Somaliya, Maxamed Xuseen Rooble ayaa maanta Magaalada Muqdisho ka furay shir looga hadlayo xilliga kala guurka dalka iyo weliba doorashooyinka.
Shirka ayaa waxaa ka qaybgalay wakiilo ka kala socda Dowlad Goboleedyada, bulshada rayidka, Beesha Caalamka iyo Hay’adaha Qaramada Midoobey.
Ra’iisal Wasaaraha ayaa sheegay inay go’aansadeen in la saxo wixii khaladaad ah ee jira, ayna xoojiyaan huftaanta iyo habsami u socodka doorashada.
“Waxaa iga go’aan in aan saxno wixii khaladaad ah ee jira, sarena u qaadno hufnaanta iyo habsami u socodka doorashada, sida ugu dhakhsiyaha badan.” Ayuu yiri Ra’iisal Wasaaraha.
Ra’iisal Wasaare Rooble ayaa yiri “Waxaan garowsanahay muhiimadda ay leedahay in ay qabsoonto doorasho hufan oo xalaal ah, laguna wada kalsoonaan karo, si nabad ahna ku dhacda.”
Nagala soo xiriir dhacdo@gmail.com
