Farmaajo oo ka qaybgalay munaasabadda aasaaska booliska

Madaxweynaha Jamhuuriyadda Federaalka Soomaaliya Mudane Maxamed Cabdullahi Farmaajo oo ka qaybgalay Munaasabadda Xuska Sannad Guurada 78-Aad ee Aas-Aaska Ciidanka Booliska Soomaaliyeed ayaa ubax dhigay Taallada Halyeeyada Ciidanka Booliska ee Akadeemiyadda Janaraal Kaahiye.

Madaxweyne Farmaajo ayaa ku ammaanay Ciidan Booliska Soomaaliyeed xaqiijinta amniga dalka iyo doorashooyinka, ilaalinta xasilloonida, sarreynta sharciga iyo caddaaladda, taas oo muujineysa miro-dhalka qorsheyaasha dib-u-dhiska Booliska Soomaaliyeed.

“Qof kasta oo Soomaaliyeed waxaa uu markhaati ka yahay isbeddelka iyo dib-u-dhiska xooggan ee aan ku sameynay Ciidanka Booliska Soomaaliyeed oo la kordhiyey tiro iyo tayo ahaanba, taas oo wax weyn ka beddeshay amniga dalka iyo wada shaqeynta kala dhaxaysa shacabka.”

Madaxweynaha Jamhuuriyadda ayaa faray hay’adaha amniga dardargelinta howlgallada lagu sugayo amniga dalka, gaar ahaan waqtiga doorashada, isaga oo tilmaamay halista maandooriyaha ku soo kordhay dalkeenna oo Ciidamada Boolisku ay haatan kula jiraan dagaal adag.

Madaxweyne Maxamed Cabdullahi Farmaajo ayaa salaan sharaf ka qaatay cutubyo ka tirsan Ciidanka Booliska Soomaaliyeed oo soo bandhigay dhoolla-tus Ciidan, waxa uuna  Alle uga baryey dhammaan halyeeyadii naftooda u huray ilaalinta amniga iyo karaamada shacabka Soomaaliyeed.

Munaasabaddan waxaa goob-joog ka ahaa Guddoomiya Golaha Shacabka BFS Mudane Maxamed Mursal Sheekh Cabdiraxmaan, Guddoomiya Gobolka Banaadir ahna Duqa Muqdisho Cumar Maxamuud Maxamed, Wasiirro ka tirsan Xukuumadda Federaalka Soomaaliya, Taliska Ciidanka Booliska Soomaaliyeed, Xildhibaanno ka mid ah labada Aqal ee Baarlamaanka Federaalka Soomaaliya iyo Saraakiil ka socotay saaxiibbada Soomaaliya.

May be an image of one or more people
May be an image of 6 people and people sitting
May be an image of 2 people and people standing
May be an image of 1 person
May be an image of 4 people, people standing and outdoors
May be an image of 1 person and sitting
May be an image of 3 people
May be an image of 3 people and indoor
May be an image of 4 people, child and people standing
May be an image of 2 people, people standing and outdoors
May be an image of 3 people, people standing and outdoors
May be an image of 2 people and people standing
May be an image of 3 people and people standing
May be an image of 7 people, people standing and outdoors
May be an image of 3 people
May be an image of 2 people
May be an image of one or more people and indoor
May be an image of 3 people, people sitting and indoor
May be an image of 3 people

Nagala soo xiriir dhacdo@gmail.com