Taliska Ciidanka Midowga Afrika ee Somaliya (ATMIS) ayaa shaaciyay in mar kale ay xayiraad gelinayaan dhaqdhaqaaqa Xerada Xalane ee Magaalada Muqdisho.
Warqad uu Taliska ATMIS u diray safaaradaha, Hay’adaha Qaramada Midoobey iyo diplomaasiyiinta ku sugan Xerada Xalane ayaa lagu sheegay in xaalad bandow ah la gelin doono xeendaabka Garoonka Aadan Cadde laga bilaabo 25-28 bishan.
Tallaabadan ayaa lagu sugayaa ammaanka Doorashada Guddoonka Golaha Shacabka, oo 27-ka bishan ka dhaceysa Xerada Afisyooni.
Hawlgalka KMG ee ATMIS ayaa horey muddo lix cisho ah hakad u geliyay dhaqdhaqaaqa aagga Garoonka Aadan Cadde, markaas oo loo diyaargaroobayay munaasabadda dhaarinta ee Xildhibaanada Labada Aqal ee Baarlamaanka Federaalka. 
Nagala soo xiriir dhacdo@gmail.com
