Wasiirada cusub ee Maamulka Galmudug oo xilka la wareegay

Munaasabad gelinkii dambe ee maanta lagu qabtay Magaalada Dhuusamareeb ee Xarunta Dowlad Goboleedka Galmudug ayay xilka kula wareegaan Wasiirada cusub ee Galmudug.

Madaxweyne Kuxigeenka Galmudug, Cali Daahir Ciid ayaa xilalka u kala wareejiyay Wasiiradii hore iyo kuwa cusub, ee uu 5-bishan magacaabay Madaxweyne Axmed Cabdi Kaariye (Qoorqoor).

Madaxweyne Kuxigeenka ayaa Wasiiradii hore ee Wasaaradaha Kalluumeysiga & Khayraadka Badda, Boostada & Isgaarsinta iyo Xanaanada Xoolaha uga mahadceliyay shaqadii ay u soo qabteen shacabka iyo Dowlad Goboleedka Galmudug.

Cali Daahir Ciid, Madaxweyne Kuxigeenka Galmudug ayaa Wasiirada cusub kula dardaarmay inay si karti iyo hufnaan leh u gutaan waajibaadkooda shaqo, una adeegaan shacabka iyo maamulkaba.

Nagala soo xiriir dhacdo@gmail.com