Madaxweynaha Turkiga, Recep Tayyip Erdogan ayaa maanta sheegay in ay jirto rajo ku aaddan in la gaari karo xabad joojin lagu soo afjarayo colaadda Marinka Gaza.
Madaxweynaha Turkiga ayaa sheegay inuu aaminsan yahay in hadda la gaari karo xabad joojin rasmi ah, si loo joojiyo dhiigga ku daadanaya Marinka Gaza.
Madaxweynaha ayaa tilmaamay in Madaxweynaha Mareykanka, Joe Biden uu khadka teleefanka kula hadlay Raysal Wasaaraha Israel, Benjamin Netanyahu, isagoo uu muujiyay in uu kala hadlay dhaqangelinta hindisaha xabad joojinta.
Waxa uu intaasi ku daray in dhowr cisho gudahood lagu xaqiijin karo xabad joojin kama dambeys ah, si sagaal ka dib loo soo afjaro dagaalka lagu hoobtay.
Recep Tayyip Erdogan, Madaxweynaha Turkiga ayaa dalalka reer galbeedka ku booriyay in ay Israel ku cadaadiyaan inay aqbasho hindisihii ugu dambeeyay ee xabad joojinta Gaza.
Madaxweyne Erdogan ayaa warkan ka sheegay Warbaahinta Haberturk, mar uu ka soo laabtay dalka Kazakhstan, halkaas oo uu kaga qaybgalay Shir Madaxeedka Ururka Iskaashiga Shangahai (SCO).
Erdogan ayaa ka mid ah madaxda gobolka ee sida weyn uga horyimid xasuuqa Israel ka waddo Marinka Gaza, kuna baaqaya in si degdeg ah xasuuqaasi loo joojiyo.