Xafiiska Xeer Ilaaliyaha Guud ee Qaranka, Garyaqaan Saleymaan Maxamed Maxamuud ayaa shaaciyay in uu baaritaan ku bilaabay shirkado ka mid ah, kuwa Wasaaradda Diinta & Awqaafta ay siisay rusqadda Adeegga Xajka.
Xafiiska ayaa sheegay in shirkadahaasi ay Xujeyda Soomaaliyeed ka qaadeen lacago ka badan, middii ay wasaaraddu jaangoysay, sharcigana la horkeeni doono, kolka baaritaanka la soo geba-gabeeyo.
“Xafiiska Xeer Ilaaliyaha Guud ee Qaranka waxa uu baaris ku wadaa shirkado ka mid ah kuwa Wasaaradda Diinta iyo Awqaafta ay sisay Adeegga Xajka oo lacago ka badan tii ay wasaaraddu u jaangoysay Xajka ka qaaday muwaadiniinta Soomaaliyeed. Xafiisku waxa uu horgaynaya maxkamad, marka baaristu dhamaato.” Ayaa lagu yiri warqad ka soo baxday Xafiiska Xeer Ilaaliyaha Guud ee Qaranka.
Qoraalka warqadda ayaa lagu yiri “Muwaadinka la weydiisto lacag ka badan kuwa wasaaradda joongaysay haku soo wargeliyo xafiiska, asaga oo soo wacaya 4949.”
