Madaxweynaha Puntland, Siciid Cabdullaahi Deni ayaa maanta xilka ka qaaday Wasiirkiisii Amniga, Cabdisamad Maxamed Gallan.
Madaxweynaha ayaa sidoo kale waxa uu Xeer Madaxweyne xilka kaga qaaday Wasiir Kuxigeenkii Arrimaha Gudaha, Cabdiweli Mire Xirsi.
Wareegtada ayaa lagu sheegay in Madaxweynuhu uu garowsaday inuu xilka ka xayuubiyo labadaasi Wasiir, ka dib markii uu ku eedeeyay xil gudasho la’aan.
Madaxweynuhu ma soo magacaabin xubnihii kale ee bedelii Wasiiradaasi.
“Xeerkani wuxuu dhaqangelayaa, markuu Madaxweynuhu saxiixo, wuuna saxiixay.” Ayaa lagu yiri wareegtada ka soo baxday Xafiiska Madaxweyne Deni.
Puntland ayaa toddobaadyadii la soo dhaafay wajaheysay xiisad siyaasadeed, ka dib markii Golaha Wasiirada ay 4-tii bishii May ansixiyeen in tirada xisbiyada siyaasadda ee Puntland laga dhigo shan, halka ay markii hore saddex ka ahaayeen.